Ապրիլի 13-ին հայկական առաջին ֆիջիթալ NFT սփեյսում տեղեկատվական օր էր: Հավաքվել էին մի շարք արտիստներ, NFT էնտուզիաստներ և կոլեկցիոներներ՝ ունկնդրելու մեր բանիմաց խոսնակներին:
Բլոկչեյն էմբասիի ղեկավար Անդրանիկ Սևոյանը պատմեց AKNEYE-ի մասին, ներկայացրեց արվեստի նախագծի հիմնական կոնցեպտը և հայտնեց, որ Վենետիկի Բիենալեի օրերին AKNEYE-ը՝ իր աչքանման քանդակներով և ակնուլունքներով, ցուցադրված է լինելու աշխարհում երրորդ ֆիջիթալ սփեյսում: Նա նաև ներկայացրեց՝ ինչպես կարելի է սեփական նախագծերով միանալ AKNEYE համայնքին և համագործակցել բրենդի հետ ցուցադրության օրերին:
Խոսնակներից Ռաֆֆի Ետալեանը ներկաներին պատմեց AKNEYE-ի հետ արտիստիկ համագործակցության սեփական փորձի մասին: Անդրադարձավ նաև Վենետիկի Բիենալեից ունեցած ակնկալիքներին և նախագծի հեռանկարներին:
Ֆասթեքսի իրավաբան Արփինե Սարատիկյանը լուսաբանեց մտավոր սեփականության իրավունքի ապագան բլոկչեյնի դարաշրջանում՝ պատասխանելով այն հարցին, թե ինչպես է Հայաստանում հեղինակային իրավունքի մասին օրենքը կիրառվում թվային արվեստի և NFT-ների նկատմամբ գլոբալ և տեղական մակարդակով: Նա բերեց նաև հեղինակային իրավունքի խնդիրների լուծման լավագույն օրինակները արվեստագետների, կոլեկցիոներների և հարթակների համար:
Հանդիպումն անցավ շատ արդյունավետ և նոր դռներ բացեց հետաքրքրված անձանց առջև: ftNFT ֆիջիթալ սփեյսում կազմակերպվող հանդիպումները լինելու են շարունակական՝ ոլորտի արդի խնդիրները շոշափելու և լուծումներ գտնելու միտումով: Դրանք բաց չթողնելու համար կարող եք հետևել Fastex Armenia և ftnft.am պաշտոնական էջերին:
Fastex-ի մասին
Fastex-ը արագ զարգացող Web3 էկոհամակարգ է, որն իր օգտատերերին տալիս է հսկայական հնարավորություններ և հարմարավետ միջավայր՝ առաջարկելով Fastex Exchange փոխանակման հարթակը, Fastex Pay կրիպտո վճարային միջոցը, Fastexverse վիրտուալ 3D իրականությունը և ftNFT հարթակը՝ իր ֆիջիթալ սփեյսներով: Fastex-ը կարևորում է անվտանգ և հուսալի միջավայրի ապահովումը բոլոր օգտատերերի համար համաշխարհային թվային ֆինանսների զարգացող ոլորտում՝ մշտապես հետևելով առկա կանոնակարգերին: