Fastex-ի կողմից անցկացվող տեղեկատվական հաջորդ հանդիպումը տեղի է ունեցել Վենետիկի Ռամո դե լա Տանա 2124a հասցեում գտնվող AKNEYE ֆիջիթալ սթեյսում հունիսի 18-ին: Ֆասթեքսի հանդիպումը համընկել էր Վենետիկյան բիենալեի օրերի հետ՝ գրավելով աշխարհի տարբեր կետերից այստեղ ժամանած արտիստների, ծրագրավորողների և ստեղծագործողների ուշադրությունը ժամանակակից արվեստի և Web3 տեխնոլոգիաների շուրջ:
Միջոցառումը սկսվեց Ֆասթեքսի գործադիր տնօրեն Վախթանգ Աբրահամյանի ելույթով, որը որպես խոսնակ անդրադարձավ նաև Ֆասթեքս Web3 էկոհամակարգի հիմնահարցերին:
Այնուհետև Հայկ Ազարյանը խոսեց ftNFT հարթակներից, որոնք հիանալի հնարավորություն են տալիս արտիստներին ստեղծել իրենց իսկ NFT հավաքածուները և տարածել իրենց արվեստը թվային իրականությունում՝ հասնելով համաշխարհային ճանաչման: Այսպիսով ևս մեկ անգամ համոզվում ենք, որ տեխնոլոգիաների նման արվեստը նույնպես սահմաններ չի ճանաչում:
Հայկ Ազարյանի խոսքին հաջորդեց Ֆասթեքսի համագործակցությունների գծով ղեկավար Արմեն Բաղդասարյանի կողմից Բահամուտ հիմնադրամի մանրամասն ներկայացումը, որը ֆինանսավորման բազմաթիվ հնարավորություններ է ընձեռում այն բիզնեսներին և անհատներին, ովքեր հետաքրքիր նախագծեր կարող են ստեղծել և զարգացնել Բահամուտ բլոկչեյնում: Արտիստները, ստեղծագործողները և ծրագրավորողները նույնպես կարող են օգտվել այս հնարավորությունից և առաջխաղացնել իրենց արվեստը Web3 տիրույթում:
Հանդիպումները կլինեն շարունակական՝ ամեն անգամ այցելուների համար նորովի բացահայտելով հետաքրքիր թեմաները և ոլորտի միտումները:
Սպասվող հանդիպումների վերաբերյալ նորությունները բաց չթողնելու համար կարող եք հետևել Ֆասթեքսին սոցիալական մեդիայի հարթակներում:
Fastex-ի մասին
Fastex-ն արագ զարգացող Web3 էկոհամակարգ է, որն իր օգտատերերին տալիս է հսկայական հնարավորություններ և հարմարավետ միջավայր՝ առաջարկելով Fastex Exchange փոխանակման հարթակը և ftNFT հարթակը՝ իր ֆիջիթալ սփեյսներով: Fastex-ը կարևորում է անվտանգ և հուսալի միջավայրի ապահովումը համաշխարհային թվային ֆինանսների զարգացող աշխարհում՝ մշտապես հետևելով ոլորտի միտումներին։