Հայաստանում առաջին անգամ անցկացվում է «Գիտության շաբաթ» փառատոնը, որի գլխավոր հովանավորը Fastex-ն է։ Հոկտեմբերի 1-6-ը Ազատության հրապարակում Fastex-ը կներկայացնի իր YoCerebrum և Cerebrum Intelectus նախագծերը և տեղեկատվական դասընթացների շարքը։
Fastex-ը կարևորում է Հայաստանում գիտությանն ուղղված նմանատիպ նախաձեռնությունների անցկացումը, որն իր հերթին ձևավորում է մրցունակ էկոհամակարգ և նպաստում հասարակության շրջանում ոլորտի վերաբերյալ հետաքրքրության բարձրացմանը։
Այցելելով Fastex-ի տաղավար՝ ներկաները հնարավորություն կստանան ծանոթանալ Cerebrum Intelectus և YoCerebrum նախագծերին և մասնակցել մետավերս տիրույթում անցկացվող «Բլոկչեյն տեխնոլոգիաների հիմունքները» թեմայով դասընթացին։ Այցելուները տեղում կարող են ստեղծել իրենց եռաչափ ավատարը, մուտք գործել YoCerebrum վիրտուալ աշխարհ և տեղափոխվել տարբեր տիրույթներ, այդ թվում՝ Virtual Yerevan տարածք։
Տեխնոլոգիական աշխարհի և գիտության ոլորտի հանդեպ հետաքրքվածների համար այս նախաձեռնությունը հիանալի հնարավորություն է՝ ստանալ տպավորիչ փորձառություն և դառնալ տեխնոլոգիական ապագայի մի մասը։
Ի դեպ, միջոցառման ընթացքում մրցույթները հաղթած ուսանողները կկարողանան այցելել Երևանում գտնվող ftNFT Phygital Space և մասնակցել Cerebrum Intelectus-ի կողմից իրականացվող դասընթացներին։
«Գիտուժի» նպատակն է զարգացնել միջդիսցիպլինար համագործակցության մշակույթը Հայաստանում՝ ուսումնական հաստատություններում սովորող աշակերտներին և ուսանողներին ներգրավելով գիտության և նորարարական տեխնոլոգիաների ոլորտ։
Fastex-ի նորարարական մոտեցումների ինտերգումը կնպաստի գիտության զարգացմանն ու մրցունակ ոլորտի ձևավորմանը։